दाङमा मोटरसाइकल दुर्घटना हुँदा एक जनाको मृत्यु

दाङ, मंसिर १० । दाङमा मोटरसाइकल दुर्घटना हुँदा एक जनाको मृत्यु भएको छ ।

सोमबार लमही बजारबाटबाट तुलसीपुरतर्फ जाँदै गरेको रा ७ प ४९५४ नम्बरको मोटरसाइकल लमहीको रातो डाँडास्थित प्रहरीको बेरिगेटमा ठोक्किएर दुर्घटना हुँदा सल्यान बागचौर नगरपालिका– ३ हाल तुलसीपुर– ९ बेलुवा बस्ने ३० बर्षीय लिलाराम डाँगीको मृत्यु भएको हो ।

मोटरसाइकलको पछाडि बसेका डाँगीको लमही अस्पतालमा उपचारका क्रममा मृत्यु भएको जिल्ला प्रहरी कार्यालय दाङका प्रहरी प्रवक्ता इश्वर थापाले जानकारी दिए ।

मोटरसाइकल चालक तुलसीपुर उपमहानगरपालिका– ५ न्युरोड बस्ने २६ वर्षका रोशन विक सामान्य घाइते भएका छन् । उनलाई वडा प्रहरी कार्यालय लमहीले उपचारपछि नियन्त्रणमा लिएको छ ।