ट्रक दूर्घटना हुादा दुई जनाको मृत्यु, तीन घाइते
काठमाडौं, मंसिर १० । मुग्लिन–नरायणघाट सडकखण्डमा ट्रक दूर्घटना हुँदा दुई जनाको मृत्यु भएको छ भने अन्य तीन जना घाईते भएका छन् ।
आइतबार साँझ भएको दुर्घटनामा परी मकवानपुरगडी गाउँपालिकाका दिपक दाहाल र श्याम बजगाईंको मृत्यु भएको ईलाका प्रहरी कार्यालय मुग्लिनले जनाएको छ ।
ईच्छाकामना गाउँपालिका–६ नौकिलोमा बा.प्र.०३००१ ख ३४९० नम्वरको चामल बोकेको ट्रक आफैं अनियन्त्रित भई दुर्घटनामा भएको हो ।
सो दूर्घटनामा घाइते भएका तीन जनाको चितवनस्थित भरतपुर अस्पतालमा उपचार भइरहेको प्रहरीले जानकारी दिएको छ । उनिहरुमध्ये दुई जनाको अवस्था गम्भीर रहेको पनि जनाइएको छ । ट्रक सडकको कुनामा गएर पल्टिएको प्रहरीले जनाएको छ ।
प्रकाशित मिति: १० मंसिर २०८१, सोमबार
