एनपीएलको ट्रफि प्रधानमन्त्रीले धरहराबाट अनावरण गर्ने
काठमाडौँ ९ मङ्सिर । नेपाल प्रिमियर लिग (एनपीएल)को ट्रफिको अनावरण सोमबार हुने भएको छ ।
एनपीएलको ट्रफिको अनावरण सोमबार धरहराबाट प्रधानमन्त्री केपी शर्मा ओली गर्ने तय भएको नेपाल क्रिकेट संघ क्यानले जनाएको छ । ट्रफि बिहान साढे ८ बजे अनावरण गर्ने तालिका छ ।
पहिलो संस्करणको नेपाल प्रिमियर लिग मंसिर १५ देखि पुस ६ गतेसम्म काठमाडौंमा हुँदैछ । एनपीएलमा ८ फ्रेन्चाइच टोलीले सहभागिता जनाएका छन् ।
प्रकाशित मिति: ९ मंसिर २०८१, आइतबार
