होटलको बरन्डामा सलको पासो लगाएका युवा युवतीको मृत्यु
काठमाडौं । सिनामंगलस्थित एक होटलमा युवा–युवती झुण्डिएको अवस्थामा मृत फेला परेका छन् । शनिबार साँझ सिनामंगलस्थित होटल जन्मभूमिमा आएका युवायुवती होटलको कौसीमा सलको पासो लगाएर झुण्डिएको अवस्थामा मृत भेटिएको प्रहरीले जनाएको छ ।
जिल्ला प्रहरी परिसर काठमाडौंका एसपी तथा प्रवक्ता नवराज अधिकारीका अनुसार झुण्डिएको अवस्थामा उनीहरु मृत रहेको भन्ने जानकारी आएपछि पुगेको प्रहरीले थप अनुसन्धान गरिरहेको छ ।
पर्शुराम आचार्यको ५ तले घरमा खोटाङ दिक्तेल रुपाकोट नगरपालिका–४ घर भई हाल काडाँघारी बस्ने रामजी कटुवालले संञ्चालन गरेको होटल जन्मभुमीको चौथो तलाको कौसीमा झुण्डिएको अवस्थामा मृत भेटिएका हुन् ।
कोठा नम्बर १२० भाडामा लिई होटलको दर्ता किताबमा दर्ता गरेकोबाट खुल्न आएको बिबरण अनुसार सुनसरी जिल्ला घर भएका अन्दाजी ३४ वर्षका रमेश माझी र पासपोर्टबाट नाम थर वतन खुल्न आएको जिल्ला मोरङ घर भएकी २९ वर्षकी सर्मिला कुमारी माझी झुण्डीएको अवस्थामा फेला परेका हुन् ।
उनीहरुले कोठा नम्बर १२० को अगाडी बरन्डाको रेलिङमा सेतो रङको कपडाको सलले दुबै जनाले घाँटीमा पासो लगाएको भेटिएको काठमाडौं प्रहरीले जनाएको छ ।
प्रकाशित मिति: ९ मंसिर २०८१, आइतबार
