बुद्धिचाल प्रतियोगितामा काजी राई प्रथम

इलाम, मंसिर ९ । इलाम सदरमुकाममा जिल्ला स्तरीय बुद्धिचाल प्रतियोगितामा काजी राई प्रथम भएका छन् ।

इलाम उद्योग बाणिज्य संघ र होटल ब्यवसायी संघको संयुक्त आयोजना भएको प्रतियोगितामा राई प्रथम भएका हुन् ।

अन्तिम पाँचौ राउण्डमा यामप्रसाद लिम्बूलाई पराजित गर्दै काजी राईले प्रथम स्थान हासिल गर्दा श्रीकृष्ण लिम्बूले दोस्रो, खड्ग लिम्बू तेस्रो, मनिष पौडेल चौथो र तारानिधि घिमिरेले पाँचौं स्थान हासिल गरे ।

यस्तै अन्य बिभिन्न बिधाबाट जम्मा ११ जना खेलाडी बिजयी भएका छन् ।

पाँच राउण्डसम्म भएको प्रतियोगितामा जिल्ला च्याम्पियन देवीप्रसाद पौडेल ३ अंक जोड्दै छैठौं स्थानमा रहँदा बुद्धिचाल संघ इलामका पूर्व अध्यक्ष यामप्रसाद लिम्बू पनि ३ अंक बटुलेर ७ औं स्थानमा रहे ।

पौडेललाई चौथो राउण्डमा मनिष पौडेल र पाँचौ राउण्डमा श्रीकृष्ण लिम्बूले पराजित गरे भने याम प्रसाद लिम्बूलाई तेस्रो राउण्डमा देवी पौडेल र पाँचौं राउण्डमा काजी राईले पराजित गरेका थिए । २४ जना खेलाडीले सहभागिता जनाएको थिए ।