यी दुई प्रदेशका उच्च पहाडी भागमा हल्का वर्षाको सम्भावना
काठमाडौं, मंसिर ९ । हाल देशमा पश्चिमी वायु र स्थानीय वायुको प्रभाव छ ।
अहिले कोशी, बागमती र गण्डकी प्रदेशका पहाडी भागमा आंशिकदेखि साधारणतया बदली भएको छ भने बाँकी भागमा मौसम सफा रहेको छ ।
आज दिउँसो कोशी र गण्डकी प्रदेशका पहाडी भागमा आंशिकदेखि साधारणतया बदली रही बाँकी भागमा मौसम सफा रहने छ ।
कोशी र गण्डकीका पहाडी भागका एक–दुई स्थानमा हल्का वर्षा तथा उच्च पहाडी तथा हिमाली भागका एक–दुई स्थानमा हल्का हिमपातको सम्भावना छ ।
त्यसैगरी, आज राति कोशी प्रदेशका पहाडी भागमा आंशिक बदली रही बाँकी भागमा मौसम सफा रहने छ । केही पहाडी भागका एक–दुई स्थानमा भने हल्का वर्षाको सम्भावना छ ।
प्रकाशित मिति: ९ मंसिर २०८१, आइतबार
