कैलालीमा तीन किलो चरेशसहित दुई जना पक्राउ

धनगढी, मंसिर ८ । कैलालीमा झन्डै तीन किलो चरेशसहित दुई जना पक्राउ परेका छन् ।

लम्किचुहा नगरपालिका–३ चिसापानी खैरेनीबाट कालिकोटको पचालझरना गाउँपालिका–६ बस्ने २८ वर्षीय अर्जुन बुढा र २७ वर्षीय विरेन्द्र बुढा पक्राउ परेका हुन् ।

विषेश सुचनाको आधारमा इलाका प्रहरी कार्यालय चिसापानी, कैलाली र लागू औषध नियन्त्रण ब्युरो शाखा कार्यालय महेन्द्रनगर, कञ्चनपुरबाट संयुक्त रुपमा खटिएको प्रहरी टोलीले उनीहरुको साथबाट २ केजी ७५ ग्राम चरेश बरामद गरेको जनाएको छ ।