जिप्रका महोत्तरीका नायव सुब्बा २० हजार घुससहित पक्राउ

काठमाडौं । अख्तियार दुरुपयोग अनुसन्धान आयोगले जिल्ला प्रशासन कार्यालय महोत्तरीका नायव सुब्बा अशोककुमार यादवलाई घुससहित पक्राउ गरेको छ ।

अख्तियार दुरुपयोग अनुसन्धान आयोगको कार्यालय बर्दिबासबाट खटिएको टोलीले यादवलाई २० हजार रुपैयाँ घुससहित पक्राउ गरेको हो।

मुद्दा शाखामा कार्यरत नायब सुब्बाले सेवाग्राहीबाट २० हजार रुपैयाँ घुस लिएका थिए ।

उनलाई सेवाग्राहीबाट लिदैँ गरेको अवस्थामा २० हजार रुपैयाँसहित रंगेहात पक्राउ गरेको हो ।

सवारी ज्यान मुद्दामा सवारी धनी पक्षले पीडितपक्षलाई दिने क्षतिपूर्ति तथा क्रिया खर्चबाट लिएको २० हजार रुपैयाँ घुस लिएका थिए ।