एमालेले आज काठमाडौंमा जागरणसभा गर्दै
काठमाडौं, मंसिर ७ । सत्तारुढ नेकपा एमालेले शुक्रवार काठमाडौंमा जागरण सभा गर्ने भएको छ ।
एमालेले सुशासन, मुलुकको समृद्धि र सुदृढ लोकतन्त्रको सन्देशका लागि जागरण सभामार्फत् ‘शक्ति प्रदर्शन’ गर्न लागेको हो ।
एमालेले जागरण सभामा कार्यकर्ता र समर्थक गरी एक लाख उतार्ने लक्ष्य लिएको छ । उक्त कार्यक्रमको नेतृत्व गर्ने जिम्मा बागमती अध्यक्ष कैलाश ढुंगेललाई दिइएको छ ।
भद्रकालीबाट शुरू हुने जुलुस, न्युरोड गेट, वीर अस्पताल, रत्नपार्क घुमेर दरबारमार्गको सडकमा सभामा परिणत हुने बताइएको छ ।
प्रकाशित मिति: ७ मंसिर २०८१, शुक्रबार
