चिनियाँ राष्ट्रपति सीले गरे युक्रेन युद्ध अन्त्य र गाजामा युद्धविरामको आह्वान
एजेन्सी । चिनियाँ राष्ट्रपति सी जिनपिङले युक्रेन युद्ध अन्त्य गर्न अपील गर्दै गाजामा युद्धविरामको आह्वान गरेका छन् ।
ब्राजिलमा भएको जी–२० शिखर सम्मेलनमा उनले शान्तिका लागि थप सहयोग र युक्रेन संकटको राजनीतिक समाधानका लागि मार्ग प्रशस्त गर्न चाहेको बताएका हुन् ।
ब्राजिलका राष्ट्रपति लुइस इनासियो लुला दा सिल्भाले पनि जिनपिङको अपील दोहोर्याउँदै युक्रेनमा युद्धको अन्त्य गर्न रोडम्यापमा जोड दिए ।
चिनियाँ सञ्चारमाध्यमका अनुसार, जिनपिङले गाजामा जारी युद्ध चाँडो अन्त्य गर्न आह्वान गरेका थिए ।
प्रकाशित मिति: ६ मंसिर २०८१, बिहिबार
