बालकुमारीमा आगलागी हुँदा फार्मेसीदेखि जुम्बा जलेर नष्ट
काठमाडौँ, मंसिर ६ । बालकुमारीमा एउटा घरमा विद्युत् चुहावट भएर आगलागी भएको छ ।
बालकुमारीस्थित सिसिआरसी कलेज नजिक स्वाभिमान श्रेष्ठको दुई तले घरमा आगलागी हुँदा घरको पहिलो तलामा रहेको फार्मेसी, सोही घरसँगै एउटा पान पसल र मःम पसल जलेर नष्ट भएको प्रहरीले जनाएको छ । सँगैको ‘जुम्बा डान्स सेन्टर’ पनि जलेर नष्ट भएको छ ।
आगलागीबाट भएको क्षतिको विवरण यकिन नभएको प्रहरीले जनाएको छ । पाँचवटा दमकलको सहयोगमा एक घण्टापछि आगो निभाइएको महानगरीय प्रहरी प्रभाग कोटेश्वरले जनाएको छ ।
प्रकाशित मिति: ६ मंसिर २०८१, बिहिबार
