वडाध्यक्षमा माओवादी केन्द्रका उम्मेदवार घर्ती निर्विरोध निर्वाचित 

काठमाडौँ । रुकुम पूर्व जिल्लाको पुथा उत्तरगंगा गाउँपालिका वडा नं. २ को वडाध्यक्षमा नेकपा माओवादी केन्द्रका उम्मेदवार जगत घर्ती निर्विरोध निर्वाचित हुनुभएको छ ।

वडा नं. २ को वडाध्यक्ष पदको निर्वाचनमा उम्मेदवार हुन घर्तिको मात्र मनोनयनपत्र परेको र अन्य कसैको पनि मनोनयनपत्र  दाखिला नभएकोले मुख्य निर्वाचन अधिकृतले स्थानीय तह निर्वाचन ऐन, २०७३ को दफा २५ बमोजिम निर्विरोध निर्वाचित भएको घोषणा गर्नु भएको हो ।