सभामुख घिमिरे मंसिर ७ गते कम्बोडिया जाँदै

काठमाडौं । सभामुख देवराज घिमिरे कम्बोडिया जाने भएका छन्।

सहिष्णुता र शान्तिका लागि अन्तर्राष्ट्रिय संसदको ११ औं सम्मेलनमा सहभागी हुन सभामुख घिमिरे मंसिर ७ गते कम्बोडिया जान लागेका हुन्।

कम्बोडियाको नोम पेन्ह सहरमा नोभेम्बर २३ देखि २६ सम्म उक्त सम्मेलन हुँदैछ।

सभामुख घिमिरे ७ गते गएर ११ गते फर्कने कार्यक्रम रहेको संघीय संसद सचिवालयले जनाएको छ ।

ग्लोबल काउन्सिल फर टोलरेन्स एन्ड पिसले विभिन्न मुलुकका सांसदबीच अन्तर्क्रियाका लागि सन् २०१७ देखि यस्तो सम्मेलन आयोजना गर्दै आएको छ।