न्युजिल्याण्ड पठाइदिन्छु भन्दै ठगी गर्ने नबिना पक्राउ

काठमाडौं । वैदेशिक रोजगारका लागि न्युजिल्याण्ड पठाइदिन्छु भन्दै ठगी गर्ने एक जनालाई प्रहरीले पक्राउ गरेको छ ।

पक्राउ पर्नेमा ओखलढुंगा सिद्धिचरण नगरपालिका-४ घर भई भक्तपुर मध्यपुर ठिमी बस्ने नबिना दाहाल रहेका छन् ।

उनलाई काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले काठमाडौं सिनामंगलबाट पक्राउ गरेको हो ।

दाहालले आकर्षक तलबको प्रलोभनमा पारी न्युजिल्याण्ड पठाइदिन्छु भन्दै १ लाख रूपैयाँ ठगी गरेर फरार भएका थिए ।

पीडितको उजुरीको आधारमा उनलाई प्रहरीले पक्राउ गरेको हो ।

उनलाई आवश्यक अनुसन्धान तथा कारवाहीको लागि वैदेशिक रोजगार विभाग ताहाचल काठमाडौं पठाइएको छ ।