ट्रकको ठक्करबाट साइकलयात्रीको मृत्यु
परासी, मंसिर ५ । पश्चिम नवलपरासीको सुस्ता गाउँपालिका–१ बरुवामा गएराति सवारी दुर्घटना हुँदा एक जनाको मृत्यु भएको छ ।
बर्दघाटबाट त्रिवेणीतर्फ जाँदै गरेको लु२ख ८९३ नम्बरको ट्रकले साइकललाई ठक्कर दिँदा सुस्ता गाउँपालिका वडा नम्बर १ बरुवा बस्ने वर्ष ६५ का रामजी नेपालीको मृत्यु भएको हो ।
दुर्घटनामा गम्भीर घाइते भएका नेपालीको उपचारका क्रममा सहिद स्मृति सामुदायिक अस्पताल चौपत्तामा मृत्यु भएको प्रहरीले जनाएको छ ।
ठक्कर दिने ट्रकचालकलाई प्रहरीले नियन्त्रणमा लिएको जनाएको छ ।
प्रकाशित मिति: ५ मंसिर २०८१, बुधबार
