उषा गजुरेलको ‘हजुरकै मायाले’ बजारमा
काठमाडौँ ४ मङ्सिर । गायिका उषा गजुरेलको लोक आधुनिक गीत ‘हजुरकै मायाले’ बजारमा आएको छ ।
उषा गजुरेल र सुरज पण्डितको आवाजमा बजारमा आएको यो तेस्रो गीत हो । यस अघि उषा गजुरेल र सुरज पण्डितको आवाजमा ‘श्वास’ र ‘कानैमा माडुली दिउँला’ बजारमा आइसकेको छ ।
‘हजुरको माया’ले गीतको लेखन तथा सङ्गीत सुरज पण्डितकै रहेको छ भने गीतको व्यवस्थापन उदयराज पौडेलको रहेको छ । प्रिजम स्टुडियोमा रेकर्ड भएको गीतको निर्माता संम्राट दहाल रहेका छन् ।
म्युजिक भिडियोमा कुशल बिष्ट र श्वेता मिश्रको अभिनय रहेको छ भने म्युजिक भिडियोको निर्देशन नारायण मगर तथा सम्पादन दिनसन शाहले गरेका छन् । म्युजिक भिडियोको नृत्य निर्देशन सोनी श्रेष्ठको रहेको छ । त्यसैगरी भिडियो छायाङ्कन ज्ञानेन्द्र शर्माले गरेका छन् ।
हजुरको मायासँगै गायिका उषा गजुरेलको श्वास, मौसम, यो सोझो पल्कियो, मायाको सम्झना र आमा बजारमा आइसकेको छ ।
प्रकाशित मिति: ४ मंसिर २०८१, मंगलबार
