माओवादी केन्द्रको पदाधिकारी बैठक आज बस्दै
काठमाडौं, मंसिर ४ । नेकपा (माओवादी केन्द्र) को हिजो (सोमबार) स्थगित भएको पदाधिकारी बैठक आज बस्दै छ ।
बैठक मंगलबार अपरान्ह ४ बजे पार्टी केन्द्रीय कार्यालय पेरिसडाँडामा बस्ने माओवादी केन्द्रका सचिव लीलामणि पोख्रेलले जानकारी दिए ।
पूर्वसभामुख दमननाथ ढुंगानाको निधनको शोक र ढुंगानाको श्रद्धाञ्जलीलगायतका कार्यक्रममा नेताहरु व्यस्त हुने भएपछि माओवादीले हिजो बस्ने भनेको बैठक स्थगन गरेको थियो ।
बैठकमा विधान संशोधन, केन्द्रीय समिति बैठकको तयारी, स्थानीय तह उपनिर्वाचन सहितका विषयमा छलफल हुने बताइएको छ ।
आजको बैठकमा केन्द्रीय समिति बैठकका एजेण्डाका विषयमा पनि छलफल हुने बताइएको छ ।
केन्द्रीय समितिको बैठक आगामी पुस २ देखि ७ गतेसम्म बस्ने निर्णय यसअघि नै माओवादी केन्द्रले गरिसकेको छ ।
प्रकाशित मिति: ४ मंसिर २०८१, मंगलबार
