सुनको मूल्य तोलामा १ हजार रुपैयाँ बढ्यो, चाँदीको कति ?

काठमाडौँ । नेपाली बजारमा सोमबार छापावाल सुनको मूल्य तोलामा १ लाख ६१ हजार रुपैयाँमा कारोबार भएको छ । नेपाल सुनचाँदी व्यवसायी महासंघका अनुसार अघिल्लो दिनको तुलनामा छापावाल सुन तोलामा १ हजार रुपैयाँ बढेको हो ।

अघिल्लो दिन आइतबार छापावाल सुनको मूल्य तोलामा १ लाख ६० हजार रुपैयाँमा किनबेच भएको थियो ।

यसैगरी सोमबार चाँदीको मूल्य तोलामा १ हजार ९२० रुपैयाँमा कारोबार भएको छ । आइतबार चाँदीको मूल्य तोलामा १ हजार ९०५ रुपैयाँ कायम भएको थियो ।