बसको ठक्करबाट एक जनाको मृत्यु
सुनसरी, मंसिर ३ । सुनसरीको इटहरीमा बसको ठक्करबाट एक जनाको मृत्यु भएको छ ।
इटहरी उपमहानगरपालिका–१० स्थित खनारमा इटहरीबाट विराटनगरतर्फ जाँदै गरेको मे१ख ४५७४ नंको बसले ठक्कर दिँदा साइकलमा सवार स्थानीय सम्झना यादवको मृत्यु भएको हो ।
यादवको घटनास्थलमा नै मृत्यु भएको सुनसरीका प्रहरी नायब उपरीक्षक राजाराम तिम्सिनाले जानकारी दिए ।
दुर्घटना गराएर भागेपछि आक्रोशित भएका स्थानीयले खनारको नहर नजिकै बसमा आगजानी गरेका छन् ।
आगजनीबाट बस पूर्ण रूपले जलेर नष्ट प्रहरीले जनाएको छ ।
प्रकाशित मिति: ३ मंसिर २०८१, सोमबार
