कीर्तिपुरको मेयरमा स्वतन्त्र उम्मेदवार बानियाँको उम्मेदवारी दर्ता

काठमाडौँ । कीर्तिपुर नगरपालिकाको मेयर पदमा स्वतन्त्र उम्मेदवार डा.नवरथकुमार बानियाँले उम्मेदवारी दर्ता गराएका छन् । आइतबार उम्मेदवारी दर्ता गर्दै बानियाँले दलीय उम्मेदवारले चुनाव जित्दा बेथिति र निराशा बढाएको भन्दै आफूले उक्त बेथिति र निराशा चिर्न उम्मेदवारी दिएको दाबी गरे ।

‘निराशा चिर्ने र नगरपालिकालाई स्वच्छ बनाउने मेरो एजेन्डा हो’, उम्मेदवारी दर्तापछि उनले भने, ‘सुन्दर र व्यवस्थित नगर बनाउने मेरो चाहाना छ ।’ जर्मनीबाट वातावरण विज्ञानमा पिएचडी गरेका बानियाँले विभिन्न शैक्षिक संस्थामा काम गरेको बताए ।

यसअघि कीर्तिपुरको मेयरमा नेपाल समाजवादी (नयाँ शक्ति) का दिलकुमार महर्जनले उम्मेदवारी दर्ता गरेका थिए ।