घर भत्काउन लागेको हात्ती धपाउन खोज्दा आक्रमणमा परी मृत्यु
झापा, मंसिर २ । हात्तीको आक्रमणमा परेर दमकमा एक जनाको मृत्यु भएको छ ।
छिमेकीको घर भत्काउन लागेको हात्तीलाई धपाउन खोज्दा दमक नगरपालिका–३ दिपज्योति टोलका ४५ वर्षीय मीनबहादुर भण्डारीको मृत्यु भएको हो ।
जिल्ला वन कार्यालयका प्रमुख मेघराज राईका अनुसार हात्तीको आक्रमणबाट भण्डारीको घटनास्थलमै मृत्यु भएको थियो ।
हात्तीले छिमेकी सुविन भट्टराईको घर भत्काउन थालेको थियो ।
प्रकाशित मिति: २ मंसिर २०८१, आइतबार