बेपत्ता वृद्ध खोलामा मृत फेला

दमक, मंसिर २ । झापामा केही दिनअघि देखि बेपत्ता भएका एक वृद्ध खोलामा डुबेको अवस्थामा मृत भेटिएका छन् ।

गत बुधवार दिउँसोदेखि बेपत्ता भएका झापा गाउँपालिका वडा नं.४ खयरबारीका ६५ वर्षीय वृद्ध गणेशबहादुर खत्री मृत फेला परेका हुन् ।

जिल्ला प्रहरी कार्यालय झापाका प्रवक्ता कृष्ण चन्दका अनुसार सोही गाउँपालिकाको वडा नं. १ माई खोलामा शव फेला परेको हो ।

घटनाको विषयमा थप अनुसन्धान भइरहेको प्रहरीले जनाएको छ ।