जिपले मोटरसाइकललाई ठक्कर दिँदा एक जनाको मृत्यु

डोटी, मंसिर २ । डोटीको शिखर नगरपालिका–८ खुनस्थित भीमदत्त राजमार्गमा जिपले मोटरसाइकललाई ठक्कर दिँदा एक जनाको मृत्यु भएको छ ।

शनिबार साँझ डडेल्धुराबाट दिपायलतर्फ आइरहेको मोटरसाइकललाई ठक्कर दिँदा मोटरसाइकलमा सवार दिपायल सिलगढी नगरपालिका–१ सिर्खोलीका ३२ वर्षीय लोकेन्द्र साउँदको मृत्यु भएको हो ।

दुर्घटनामा मोटरसाइकल चालक प्रकेश विक घाइते भएका छन् । उनलाई सुजङ्ग अस्पतालमा सामान्य उपचारपश्चात थप उपचारको लागि धनगढी पठाइएको छ । ठक्कर दिने जीप र त्यसका चालककको खोजी भइरहेको प्रहरीले जनाएको छ ।