रास्वपाले उपनिर्वाचनका लागि बाँकी स्थानीय तहमा कहिले टुङ्ग्याउँछ उम्मेदवार ?

काठमाडौँ । मङ्सिर १६ मा हुने उपनिर्वाचनका लागि राष्ट्रिय स्वतन्त्र पार्टी रास्वपाले उम्मेदवार टुङ्गो लगाउन बाँकी रहेका कीर्तिपुर नगरपालिकासहित रिक्त रहेका स्थानका लागि उम्मेदवारको टुङ्गो लगाउन समय लगाएको छ ।

कार्तिक २८ गते उपनिर्वाचन हुने केहि स्थानीय तहको उपनिर्वाचनका लागि उम्मेदवार सार्वजनिक गरेको रास्वपाले बाँकी रहेका स्थानीय तहमा भने उम्मेदवारको टुङ्गो लगाउने काम जारी रहेको जानकारी दिएको छ ।

पार्टीले कार्तिक ३० भित्र जिल्ला समन्वय समिति बाहेक उपनिर्वाचन हुने सबै स्थानीय तहमा उम्मेदवार टुङ्गो लगाउने बताएको थियो । तर‚ हालसम्म सबै स्थानीय तहको उम्मेदवार टुङ्गो लगाउन सकेको छैन ।

स्थानीय तह उपनिर्वाचनको जिम्मेवारी पाएका पार्टी सांसद तथा केन्द्रीय नेता गणेश पराजुलीका अनुसार बाँकी रहेका स्थानीय तहमा उम्मेदवार टुङ्गो लगाउने प्रयास जारी रहेको बताए । तर‚ आजै भने त्यो सम्भव नभएको उनको भनाई छ ।

‘बाँकी रहेको स्थानीय तहमा आजै उम्मेदवार टुङ्गो लगाउन सम्भव छैन । हामी समन्वय गरेर उम्मेदवार फाइनल गर्न लागि परेका छौँ‚’ उनले भने ।