दार्चुलामा जीप दुर्घटना, ६ जनाको मृत्यु
दार्चुला, कार्तिक ३० । दार्चुलामा जीप दुर्घटना हुँदा ६ जनाको मृत्यु भएको छ भने ६ जना घाइते भएका छन् ।
जिल्लाको मालिकार्जुनबाट गोकुलेतर्फ जाँदै गरेको म १ ज ३३८ नम्बरको जिप बिहान ४ बजेतिर शैल्यशिखर नगरपालिका–६ मा दुर्घटना भएको हो ।
जिल्ला प्रहरी कार्यालय प्रहरी दार्चुलाका अनुसार मृतकहरूको पहिचान खुलिसकेको छैन । उद्धार कार्य जारी रहेको प्रहरीले जनाएको छ ।
घाइतेहरूलाई उपचारका लागि गोकुले अस्पताल पठाइएको छ । प्रहरीकाअनुसार स्थानीय मालिकार्जुन मन्दिरमा लागेको जात्रा हेरेर फर्किने क्रममा दर्शनार्थी बोकेको जिप दुर्घटनामा परेको हो ।
घटनाबारे थप विवरण आउन बाँकी रहेको प्रहरीले जनाएको छ ।
प्रकाशित मिति: ३० कार्तिक २०८१, शुक्रबार
