तेस्रो दिन पनि रविको बयान जारी, बयान सकेर आजै पोखरा पठाउने तयारी
काठमाडौं । राष्ट्रिय स्वतन्त्र पार्टीका सभापति रवि लामिछानेसँग आज पनि बयान सुरु भएको छ।
बुटवलको सुप्रिम सहकारीको बचत अपचलन आरोपमा अनुसन्धानमा रहेका सभापति लामिछानेसँग आज तेस्रो दिन पनि बयान जारी रहेको हो ।
पोखराबाट भैरहवा ल्याइएका लामिछानेसँग जिल्ला सरकारी वकिल कार्यालय रूपन्देहीमा हिजोदेखि लिखित बयान लिन सुरू गरिएको छ ।
लामिछानेको बयान आज सकिने र सकिएपछि पोखरा पठाइने रुपन्देहीका प्रहरीले जनाएको छ ।
मंगलबार कास्कीको पोखराबाट रुपन्देहीको भैरहवा ल्याइएका लामिछानेलाई सरकारी वकिलको कार्यालय रुपन्देहीले मंगलबार पहिलो दिन मौखिक र हिजोदेखि लिखित बयान लिइएको थियो ।
बयानमा सरकारी न्यायधिवक्ता पौडेलसँगै इलाका प्रहरी कार्यालय बुटवलका डिएसपी विजयराज पण्डित, प्रहरी अनुसन्धान अधिकृत लगायतको सहभागिता छ ।
प्रकाशित मिति: २९ कार्तिक २०८१, बिहिबार
