६ लाख नगदसहित १३ जना जुवाडे पक्राउ

तनहुँ, कार्तिक २९ । शुक्लागण्डकी नगरपालिका–२ हलेदीमा जुवाको खालबाट ६ लाख ४३ हजार एक सय ९० रुपैयाँसहित १३ जना पक्राउ परेका छन् ।

बेलचौतारास्थित इलाका प्रहरी कार्यालयबाट परिचालन भएको प्रहरी टोलीले बुधबार राति स्थानीय मानबहादुर घलेको घरमा कौडा खेलिरहेको अवस्थामा उनीसहित १३ जनालाई पक्राउ गरेको हो ।

जुवा खालबाट १६ थान कौडा बरामद भएको छ । उनीहरुमाथि मुलुकी अपराध संहिताअनुसार कारबाही हुने प्रहरीले जनाएको छ ।