९४ वर्षीया वृद्धाको खुट्टा बाँध्दै मुखमा कपडा कोचेर हत्या

काठमाडौँ, कार्तिक २९ । भक्तपुर नगरपालिका वडा नम्बर ३ स्थित नासमनामा एक वृद्धाको हत्या गरिएको छ ।

९४ वर्षीया विष्णुकुमारी त्वायनाको आफ्नै घरमा खुट्टा डोरीले बाँधेर मुखमा कपडा कोचेर हत्या भएको प्रहरीले जनाएको छ ।

बिहान तरकारी किनेर घर गएकी विष्णुकुमारी दिनभरि पनि घरबाहिर ननिस्केपछि साँझ आफन्तले घरमा हेर्न जाँदा मृत अवस्थामा फेला परेकी थिइन् ।

वृद्धा महिला घरमा एक्लै भएको मौका छोपेर चोरी गर्ने उद्देश्यले हत्या भएको हुन सक्ने अनुमान गरिएको छ ।

मृतक विष्णुकुमारीको शवलाई पोष्टमार्टमका लागि दुवाकोटस्थित केएमसी अस्पतालमा राखिएको प्रहरीले जनाएको छ ।