प्रकाश भुजेलको गाडीको ठक्करबाट मोटरसाइकल चालकको मृत्यु, एक घाइते
काठमाडौँ, कार्तिक २९ । झाँक्री प्रकाश भुजेलको गाडीको ठक्करबाट मोटरसाइकल चालकको मृत्यु भएको छ ।
काठमाडौँको शंखरापुर नगरपालिका–९ स्थित साँखु–थली सडक खण्डमा झाँक्री भजुेलले चलाएको बा।१९ च २६९५ नम्बरको गाडीले बागमती प्रदेश–०२–०१८ प ६८७५ नम्बरको मोटरसाइकललाई ठक्कर दिँदा कागेश्वरी मनोहरा नगरपालिका–२ घर भएका नारायण नगरकोटीको मृत्यु भएको हो ।
दुर्घटनामा गम्भीर घाइते भएका उनको उपचारको क्रममा उनको मृत्यु भएको जिल्ला प्रहरी परिसर काठमाडौँका एसपी नवराज अधिकारीले बताए ।
दुर्घटनामा मोटरसाइकलमा मृतककी पत्नी किसानुमाया नगरकोटी घाइते छिन् । उनको ग्राण्डी अस्पतालमा उपचार भइरहेको छ ।
मोटरसाइकललाई ठक्कर दिएर फरार रहेका सिन्धुपाल्चोक घर भएर जोरपाटी बस्ने गाडी धनी झाँक्री भुजेललाई प्रहरीले पक्राउ गरेको छ । उनलाई प्रहरी वृत्त बौद्धमा राखिएको छ ।
प्रकाशित मिति: २९ कार्तिक २०८१, बिहिबार
