स्कुटर दुर्घटनामा चालकको मृत्यु, अझै उठेन शव
पोखरा, कार्तिक २८ । पोखरामा महानगरपालिका वडा नं ३१ लाँकुरीमा स्कुटर दुर्घटना हुँदा एक जनाको मृत्य भएको छ ।
बेगनास–भोर्लेटार सडकखण्डमा बा७९प ५८७७ नम्बरको स्कुटर दुर्घटना हुँदा रुकुम पश्चिमको चौरजहारी गाउँपालिका वडा नं १४ घर भएका २३ वर्षीय मौसम पुन मगरको मृत्यु भएको हो ।
स्कुटर सडकबाट करिब ९५ फिट तल खस्दा मोटरसाइकल चालक मगरको घटनास्थलमै मृत्यु भएको जिल्ला प्रहरी कार्यालय कास्कीले जनाएको छ ।
तीव्र गतिमा चलाइएको स्कुटर अनियन्त्रित भएर दुर्घटना भएको प्रहरीको अनुमान छ । प्रहरीका अनुसार दुर्घटना एक, दुई दिन अघि नै भएको अनुमान गरिएको छ ।
चालक पुनको शव भिरमा अड्किएकाले निकाल्न कठिन पनि भएको छ । पुनका परिवारजनले पनि आफूहरु आएर हेरेपछि मात्रै निकाल्न भनेकाले शव ननिकालिएको डीएसपी बसन्त कुमार शर्माले बताए ।
प्रकाशित मिति: २८ कार्तिक २०८१, बुधबार
