कतार एयरवेजले आजदेखि भैरहवाबाट दैनिक उडान गर्ने
काठमाडौं, कार्तिक २७ । कतार एयरवेजले पनि आजदेखि दोहाबाट काठमाडौं र भैरहवास्थित गौतमबुद्ध अन्तर्राष्ट्रिय विमानस्थलमा उडान गर्ने भएको छ ।
कतारले दैनिक एक उडान दोहा–काठमाडौं–भैरहवा रुटमा गर्ने गरी अनुमति लिएको गौतमबुद्ध अन्तर्राष्ट्रिय विमानस्थलका महाप्रबन्धक प्रतापबाबु तिवारीले बताए ।
दोहाबाट २ः४५ बजे आउने जहाज त्यसपछि काठमाडौं प्रस्थान गर्नेछ । कतारले काठमाडौंबाट दैनिक ३ उडानको अनुमति पाएको छ । भैरहवाबाट यसभन्दा पहिला नेपाल एयरलाइन्स, फ्लाई दुबई, जजिरा र थाई एयर एसियाले भैरहवाबाट उडान थालिसकेका छन् ।
महाप्रबन्ध तिवारीका अनुसार कतार एयरवेजले दैनिक दुई उडान काठमाडौं र एउटा भैरहवाबाट गर्ने छ ।
प्रकाशित मिति: २७ कार्तिक २०८१, मंगलबार
