सस्तोमा ल्यापटप दिने भन्दै साढे २७ लाख ठगी गर्ने सुजन पक्राउ
काठमाडौं । सस्तो मूल्यमा ल्यापटप उपलब्ध गराइदिन भन्दै ठगी गर्ने एक जनालाई प्रहरीले पक्राउ गरेको छ ।
पक्राउ पर्नेमा कास्कीको माछापुच्छ्रे गाउँपालिका–५ घर भएका २९ वर्षीय सुजन पौडेल रहेका छन् ।
पौडेललाई २७ लाख ६० हजार रुपैयाँ ठगी गरेको आरोपमा काठमाडौं उपत्यका अपराध अनुसन्धान कार्यालयको टोलीले पक्राउ गरेको हो ।
ठगीमा संलग्न रहेका व्यक्तिमध्येका पौडेललाई काठमाडौंको ठमेल नर्सिङचोकबाट पक्राउ गरिएको प्रहरीले जनाएको छ ।
पक्राउ परेका पौडेलसमेतका व्यक्तिले अनलाइनमार्फत सस्तो मूल्यमा ल्यापटप उपलब्ध गराइदिने भन्दै पीडितलाई ४० थान ल्यापटप बराबरको रु २७ लाख ६० हजार रकम लिइ ल्यापटप दिएका थिएनन् ।
उनलाई आवश्यक कारबाहीका लागि जिल्ला प्रहरी परिसर काठमाडौं पठाइएको छ।
प्रकाशित मिति: २६ कार्तिक २०८१, सोमबार
