बागलुङमा पिकअप भ्यान दुर्घटना हुँदा पाँच जनाको मृत्यु

बागलुङ । बागलुङको जैमिनी नगरपालिका-७ मा पिकअप भ्यान दुर्घटना हुँदा पाँच जनाको मृत्यु भएको छ।

जैमिनी नगरपालिका–८ छिस्तीबाट जिल्ला सदरमुकाम बागलुङ बजार आउँदै गरेको पिकअप भ्यान जैमिनी–७ जैदीको व्यार्थला नजिकै दुर्घटनामा परेको हो।

ग२च ९२४७ पिकअप भ्यान सडकदेखि एक सय मिटरभन्दा तल खसेको जिल्ला प्रहरी कार्यालय बागलुङले जनाएको छ ।

घटनामा मृतकको पहिचान खुलिसकेको छैन। पिकअप भ्यानमा सवार एक जनाको भने जीवितै उद्धार गरिएको छ।