प्रधानमन्त्री ओली आज धरान आउँदै
धरान, कार्तिक २६ । प्रधानमन्त्री केपी शर्मा ओली आज धरान आउने भएका छन् । बीपी कोइराला स्वास्थ्य विज्ञान प्रतिष्ठानको १३ औं दीक्षान्त समारोह उद्घाटन गर्न प्रधानमन्त्री ओली धरान आउन लागेका हुन्।
लामो समयसम्म रोकिएको प्रतिष्ठानको दीक्षान्त समारोह नभएका कारण प्रतिष्ठानबाट अध्ययन गरिसकेका डाक्टर र नर्सहरू दीक्षित हुन पाएका थिएनन् ।
प्रधानमन्त्री धरान आउने भएपछि सुरक्षा व्यवस्था कडा पारिएको छ । विराटनगरदेखि धरानसम्मको कोशी लोकमार्गमा प्रहरी परिचालन गरिएको छ ।
ओली धरान आउने भएपछि रास्वपाका कार्यकर्ता र पहिचान पक्षधरहरूले विरोध गर्न सक्ने भन्दै प्रहरीले सुरक्षा व्यवस्था कडा पारेको छ ।
प्रकाशित मिति: २६ कार्तिक २०८१, सोमबार
