यु–१९ महिला विश्वकप छनोट : नेपाल आज युएईसँग प्रतिस्पर्धा गर्दै

काठमाडौं, कार्तिक २४ । आइसीसी यु–१९ महिला टि–२० विश्वकप एसिया छनोटअन्तर्गत नेपालले आज (शनिबार) युएईसँग खेल्दैछ ।

नेपालले आफ्नो तेस्रो खेल युएईविरुद्ध उसकै भूमिमा खेल्न लागेको हो। यो खेल बिहान ११ ः१५ बजे सुरु हुनेछ ।

बुधबारदेखि सुरु भएको प्रतियोगितामा नेपालले पहिलो खेल थाइल्याण्डलाई ६७ रनले पराजित गरेको थियो भने दोस्रो खेलमा कुवेतलाई १०८ रनले हरायो ।

प्रतियोगितामा आयोजक युएईसहित नेपाल, कुवेत र थाइल्याण्ड सहभागी छन् । सहभागी चार टोलीमध्ये शीर्ष स्थान हासिल गर्ने टोली अर्को वर्ष जनवरीमा मलेसियामा हुने आइसीसी यु–१९ महिला टि–२० विश्वकपका लागि छनोट हुनेछ ।