अवैध लागूऔषधसहित विभिन्न स्थानबाट चार जना पक्राउ

काठमाडौं । अवैध लागूऔषधसहित देशका विभिन्न स्थानबाट चार जना पक्राउ परेका छन्।

अवैध लागूऔषधसहित प्रहरीले देशका विभिन्न स्थानबाट चार जनालाई पक्राउ गरेको हो ।

पक्राउ पर्नेमा कैलालीको धनगढी उपमहानगरपालिका-१५ बेली बस्ने ७६ वर्षीय राईभान खडायत रहेका छन् ।

उनको साथबाट प्रहरीले २ सय ४४ ग्राम ७ सय ८०मिलिग्राम अवैध लागूऔषध चरेश बरामद गरेको हो ।

जिल्ला प्रहरी कार्यालय कैलालीबाट खटिएको प्रहरी टोलीले उनको साथबाट उक्त लागूऔषध चरेश बरामद गरेको थियो ।

त्यस्तै प्रहरीले सुनसरीको इटहरी उपमहानगरपालिका-४ बाट ४७ वर्षीय सुरेन्द्र अधिकारीलाई अवैध लागूऔषध ब्राउनसुगरसहित पक्राउ गरेको छ ।

अधिकारीलाई अवैध लागूऔषध ब्राउनसुगर जस्तो देखिने पदार्थ २ ग्राम ५ सय ६० मिलिग्राम र १ थान मोबाइल सहित बिहीबार दिउँसो प्रहरीले पक्राउ गरेको हो ।

प्रहरी कार्यालय इटहरीबाट खटिएको प्रहरीले उनलाई उक्त लागूऔषधसहित पक्राउ गरेको थियो।

प्रहरीले झापाको विर्तामोड नगरपालिका-६ किराँत टोलबाट ६ सय मिलिग्राम अवैध लागूऔषध ब्राउनसुगर र नगद ३ हजार २ सय ५० रूपैयाँ र २ थान मोबाइल सहित २ जनालाई पक्राउ गरेको छ ।

पक्राउ पर्नेहरूमा सोही ठाउँ बस्ने २६ वर्षीय सुनिल राई र ३० वर्षीय सोम बहादुर राई रहेका छन्।

अस्थायी प्रहरी चौकी बुट्टाबारीबाट खटिएको प्रहरीले उनीहरूलाई उक्त पदार्थ सहितपक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।