सलमानपछि शाहरुखलाई पनि आयो ज्यान मार्ने धम्की

एजेन्सी । बलिउड अभिनेता सलमान खानपछि शाहरुख खानलाई पनि ज्यान मार्ने धम्की आएको छ ।

अभिनेता सलमान खानले लगातार ग्याङस्टर लरेन्स बिस्नोइ समूहबाट यस्ता धम्की खेपिरहेका बेला शाहरुखलाई पनि ज्यान मार्ने धम्की आएको हो ।

भारतीय संचारमाध्यमका अनुसार फैजान खान नामका एक व्यक्तिले ज्यान मार्ने धम्की दिएका हुन् ।

यसविरुद्ध महाराष्ट्रको बान्द्रा पुलिस स्टेशनमा एफआईआर दर्ता गरिएको उल्लेख छ । रायपुरका आरोपीले अभिनेतासँग ठूलो फिरौती मागेका छन् ।

मुम्बई प्रहरीको टोली अनुसन्धानका लागि रायपुर गएको स्रोतले जनाएको छ ।

धम्की दिएको आरोपमा बाईको बान्द्रा पुलिस स्टेशनमा एक अज्ञात व्यक्तिविरुद्ध मुद्दा दायर गरिएको छ ।