झापामा मोटरसाइकल दुर्घटना हुँदा एकजनाको मृत्यु

काठमाडौं, कार्तिक २३ । झापाको गौरीगञ्ज गाउँपालिकामा मोटरसाइकल दुर्घटना हुँदा एकजनाको मृत्यु भएको छ भने एक घाइते भएका छन् ।

मे८प ८८९५ नम्बरको मोटरसाइकल हिजो (बिहीबार) बेलुकी सवा ९ बजे गौरीगञ्ज बजारमा अनियन्त्रित भई दुर्घटना हुँदा मोटरसाइकल चालक गौरीगञ्ज गाउँपालिका–४ बस्ने ३० वर्षीय रोशन मगरको मृत्यु भएको हो ।

दर्घटनामा गम्भीर घाइते भएका मगरको उपचारका क्रममा लाइफलाइन अस्पताल दमकमा राति मृत्यु भएको जिल्ला प्रहरी कार्यालयका डिएसपी कृष्णकुमार चन्दले जानकारी दिए ।

दुर्घटनामा मोटरसाइकलमा सवार गौरीगञ्ज गाउँपालिका– २ का ३२ वर्षीय श्याम राजवंशी घाइते भएका छन् । उनको सोही अस्पतालमा उपचार भइरहेको प्रहरीले जनाएको छ ।