नेपाल टेलिकमद्वारा मल्टिपल टेलिभिजन जडान गर्ने व्यवस्था

काठमाडौँ २१ कात्तिक । नेपाल टेलिकमले मल्टिपल टेलिभिजन जडान गर्ने व्यवस्था गरेको छ ।
यस अन्तर्गत ४ वटा वा सोभन्दा बढी टेलिभिजन जडान गर्ने कर्पोरेट ग्राहकहरुले सहुलियत दरमा बेसिक तथा प्रिमियम प्याकेजहरु खरिद गर्न सक्ने जनाएको छ ।
४ देखि १० वटा टेलिभिजन जडान गर्ने ग्राहकहरुले प्रति सेट टप बक्स रु। २ हजार ९ सय अठ्तीस रुपैयाँमा १ वर्ष वारेन्टी सहित खरिद गर्न सक्नेछन् भने ११ वटाभन्दा बढी टेलिभिजन जडान गर्ने ग्राहकहरुले प्रति सेट टप बक्स रु। २ हजार ८ सय पच्चीस रुपैयाँमा १ वर्ष वारेन्टी सहित खरिद गर्न सक्नेछन् ।

यस सेवा सम्बन्धी आवश्यक जानकारीका लागि १९८ कल गरेर वा नजिकैको कम्पनीको कार्यालयहरुमा सम्पर्क गर्न सकिने टेलिकमले जनाएको छ ।