झिनो अंकले नेप्से घट्दा ५ अर्ब २२ करोडको सेयर कारोबार

काठमाडौं । सेयर बजार परिसूचक नेप्से बुधबार १.८८ अंक घटेको छ ।

आज नेप्से परिसूचक १.८८ अङ्कले घटेर २६७५.५१ को विन्दुमा अडिएको हो ।

यस दिन बजारमा १ करोड १६ लाख ८६९ कित्ता शेयरको खरिदबिक्री हुँदा ५ अर्ब २२ करोड २४ लाख ८६ हजार रुपैयाँको कारोबार भएको छ ।

१२१ कम्पनीको मूल्य बढ्दा ११७ को घट्यो भने ६ को स्थिर रह्यो । तिहारपछि खुलेका दुई दिन नै बजारमा झिनो गिरावट देखिएको छ ।

अघिल्लो दिन मङ्गलबार मात्रै ०.२१ अङ्कले घटेर २६७७.४० को विन्दुमा अडिएको थियो ।