कोशी प्रदेशका कानुनमन्त्री अधिकारीले आज राजीनामा दिँदै
विराटनगर । कोशी प्रदेशका आन्तरिक मामिला तथा कानुनमन्त्री लिलाबल्लभ अधिकारीले राजीनामा दिने भएका छन् ।
बिना अनुमति र बिना जानकारी जापान गएको विषयमा विवादमा तानिएपछि मन्त्री अधिकारीले राजीनामा दिने तयारी गरेका हुन् ।
मन्त्रिपरिषद्बाट स्वीकृत नगरी जापान भ्रमणमा गएका विषय विवादमा परेपछि उनले आज राजीनानामा दिन लागेको स्रोतले बतायो ।
राजीनामा दिनका लागि कानुनमन्त्री अधिकारीले आजै पत्रकार सम्मेलन गर्ने तयारी गरेका छन् ।
कानुनमन्त्री अधिकारीले नैतिकतामा आधारमा राजीनामा दिन लागेका हुन् ।
प्रकाशित मिति: २१ कार्तिक २०८१, बुधबार
