सुनको मूल्य फेरि बढ्यो, चाँदीको घट्यो

काठमाडौं, कार्तिंक २१ । नेपाली बजारमा आज फेरि सुनको मूल्य बढेको छ ।

सुन आज तोलामा तीन सय रुपैयाँ बढ्दै प्रतितोला एक लाख ६८ हजार पाँच सय रुपैयाँमा कारोबार भइरहेको छ ।

नेपाल सुनचाँदी व्यवसायी महासंघका अनुसार सुन हिजो अघिल्लो दिनको तुलनामा दुई हजार आठ सय रुपैयाँ घट्दै प्रतितोला एक लाख ६८ हजार दुई सय रुपैयाँमा कारोबार भएको थियो ।

सुनको मूल्य बढ्दा आज चाँदीको मूल्य भने घटेको छ ।

चाँदी आज तोलामा १५ रुपैयाँ घट्दै प्रतितोला दुई हजार १५ रुपैयाँमा कारोबार भइरहेको महासंघले जनाएको छ ।