गोकर्णेश्वरमा स्कुटर दुर्घटना हुँदा एक जनाको मृत्यु
काठमाडौं । काठमाडौंको गोकर्णेश्वर नगरपालिका–८ मा स्कुटर दुर्घटना हुँदा एक जनाको मृत्यु भएको छ ।
मालकबारीस्थित सडकमा बा. प्र ०२–०१४ प २७२६ नम्बरको स्कुटर अनियन्त्रित भई सोमबार राति दुर्घटना हुँदा चालकको मृत्यु भएको हो ।
मृत्यु हनेमा गोकर्णेश्वर नगरपालिका–७ दक्षिणढोका बस्ने सिन्धुपाल्चोक स्याउलेका २१ वर्षीय दिनेश तामाङ रहेका छन् ।
उनी दुर्घटनामा गम्भीर घाइते भएका थिए । उनको शङ्खरापुर अस्पताल नारायणटारमा उपचारको क्रममा मृत्यु भएको प्रहरीले जनाएको छ ।
प्रकाशित मिति: २० कार्तिक २०८१, मंगलबार
