राष्ट्रिय सूचना आयोगको प्रमुख आयुक्तमा आचार्यको नाम सिफारिस
काठमाडौं । राष्ट्रिय सूचना आयोगको प्रमुख सूचना आयुक्तमा सुरेश आचार्यको नाम सिफारिस भएको छ।
सभामुख देवराज घिमिरे नेतृत्व छनौट समितिको बैठकले प्रमुख सूचना आयुक्तमा आचार्यसहित आयुक्तहरूमागगन विस्ट र दुर्गा भण्डारीको नाम सिफारिस गरेको हो।
सिफारिस समितिले नाम सञ्चार मन्त्रालय पठाएको छ । अब मन्त्रिपरिषद्ले निर्णय गरेपछि उनीहरूको नियुक्ति हुनेछ।
आचार्य पत्रकार महासंघका पूर्व अध्यक्ष हुन् भने विस्ट प्रेस चौतारीका पूर्वअध्यक्ष र एमाले प्रचार विभागका सचिव हुन् ।
अर्का सदस्य भण्डारी यसअघि प्रेस काउन्सिल नेपालको सदस्य थिइन्।
राष्ट्रिय सूचना आयोगको प्रमुख आयुक्त र आयुक्तको सिफारिस गर्न सभामुखको अध्यक्षतामा सञ्चार तथा सूचना प्रविधिमन्त्री र नेपाल पत्रकार महासंघको अध्यक्ष सदस्य रहने कानुनी व्यवस्था छ ।
प्रकाशित मिति: २० कार्तिक २०८१, मंगलबार
