कैलालीमा मोटरसाइकलको ठक्करबाट एक जनाको मृत्यु

धनगढी । कैलालीमा मोटरसाइकलको ठक्करबाट पैदल यात्रीको मृत्यु भएको छ ।

घोडाघोडी नगरपालिका–१० को पहमानपुरमा सुपप्र ०१०११ प ४६४३ नम्बरको मोटरसाइकलले ठक्कर दिंदा सोही ठाउँ बस्ने ५४ वर्षीय डम्मरा वलीको मृत्यु भएको हो ।

मोटरसाइकलको ठक्करबाट गम्भरी घाइते ओलीको धनगढीस्थित निसर्ग अस्पतालमा उपचारको क्रममा मृत्यु भएको जिल्ला प्रहरी कार्यालयका प्रहरी नायब उपरीक्षक (डीएसपी) कवीन्द्रसिंह बोहराले जानकारी दिए ।

उनकाअनुसार मोटरसाइकल र चालक २५ वर्षीय हेमन्त सापकोटालाई नियन्त्रणमा लिइएको छ । यसबारे थप अनुसन्धान भइरहेको प्रहरीले जनाएको छ ।