विश्वकप लिग २ : नेपाल आज घरेलु टोली अमेरिकासँग भिड्दै

काठमाडौं, कार्तिक १७ । आईसीसी विश्वकप लिग–२ क्रिकेटमा आज (शनिबार) नेपाल र घरेलु टोली अमेरिका भिड्दैछन् ।

टेक्सासस्थित ग्रान्ड प्रेरी क्रिकेट स्टेडियममा खेल नेपाली समय अनुसार राति सवा ९ बजे सुरू हुनेछ ।

यस सिरिजको पहिलो खेलमा नेपाल अमेरिकासंग तीन विकेटले पराजित भएको थियो भने दोस्रो खेलमा रेको थियो भने बलियो टोली स्कटल्याण्डलाई पाँच विकेटले हराएको थियो । आज नेपाल अमेरिकासँग हारको बदला लिने योजनामा छ ।

यस सिरिजअघि नेपालले अमेरिकाविरुद्ध उसकै मैदानमा ३ खेलको टी–ट्वेन्टी आई सिरिज क्लिन स्विप गरेको थियो । दुई टोलीबीच हालसम्म खेलिएका आठ ओडीआईमा नेपालले ४ र अमेरिकाले ३ खेल जितेको छ ।

एक खेल बिना नतिजा समाप्त भएको छ । लिग–२ अंक तालिकामा नेपाल सातौं स्थानमा छ । टोलीले १० मध्ये २ खेल जित्दै ५ अंक जोडेको छ । अमेरिका ११ खेलमा ७ जितसहित १४ अंक जोडेर तालिकाको दोस्रो स्थानमा छ ।