हात्तीको आक्रमणबाट घरमा सुतिरहेकी महिलाको मृत्यु
रौतहट, कार्तिक १६ । रौतहटको फतुवा–विजयपुरमा जङ्गली हात्तीको आक्रमणमा महिलाको मृत्यु भएको छ ।
हात्तीको आक्रमणबाट फतुवा बिजयपुर–११ बुट्वा राङि गाउँमा घरभित्र सुतिरहेकी ७० वर्षीया पातली तामाङको मृत्यु भएको हो ।
जङ्गली हात्तीले एक्कासि घर माथि आक्रमण गर्दा मृतकको श्रीमान भागेर ज्यान बचाएका थिए । हात्तीले मृतकको घर पूर्ण रूपमा क्षति पु¥याएको छ ।
नेपाल प्रहरी, डिभिजन बन कार्यालय चन्द्रिगाहपुर र सशस्त्र बेस क्याम्प विजयपुरको टोली घटनास्थल पुगेको र थप अनुसन्धान भइरहेको इलाका प्रहरी कार्यालय विजयपुरका प्रमुख इन्स्पेक्टर ईन्द्रमणि अधिकारीले बताए ।
प्रकाशित मिति: १६ कार्तिक २०८१, शुक्रबार
