सुनको मूल्यमा दैनिक नयाँ रेकर्ड, चाँदीको घट्यो

काठमाडौं, कार्तिक १५ । नेपाली बजारमा सुनको मूल्यमा दैनिक नयाँ रेकर्ड कायम हुँदै गएको छ ।

सुन आज तोलामा तीन सय रुपैयाँ बढ्दै प्रतितोला एक लाख ७१ हजार रुपैयाँ पुगेको छ । सुनको यो मूल्य हालसम्मकै सबैभन्दा बढी हो ।

सुन हिजो प्रतितोला एक लाख ७० हजार सात सय रुपैयाँमा कारोबार भएको थियो ।

नेपाल सुनचाँदी व्यवसायी महासंघका अनुसार सुनको मूल्य बढ्दा आज चाँदीको मूल्य भने घटेको छ ।

चाँदी आज तोलामा तीस रुपैयाँ घट्दै प्रतितोला दुई हजार ९० रुपैयाँमा कारोबार भइरहेको महासंघले जनाएको छ ।