धारिलो हतियार प्रहारबाट बारामा एक जनाको हत्या

बारा । धारिलो हतियार प्रहार गरी बारामा एक पुरूषको हत्या भएको छ।

महागढीमाइ नगरापालिका-१ नैकाटोलका ५० वर्षीय श्रीनारायण यादवको शनिबार बेलुका हत्या भएको हो।

गएराति करिब ८ बजे घर नजिकैको सडकमा उनीमाथि गर्धनमा धारिलो हतियार प्रहार भएको थियो ।

उनको प्रादेशिक अस्पतालमा उपचारका क्रममा मृत्यु भएको जिल्ला प्रहरी कार्यालय बाराले जनाएको छ ।

यस घटनामा प्रहरीले तीन जनालाई नियन्त्रणमा लिएर अनुसन्धान गरिरहेको छ।

यादवको हत्याबारे थप अनुसन्धान भइरहेको प्रहरीले जनाएको छ ।