प्रधानमन्त्री ओलीले बोलाए सत्ता गठबन्धनको बैठक
काठमाडौं । प्रधानमन्त्री केपी शर्मा ओलीले सत्तारुढ दलको बैठक बोलाएका छन् ।
बैठक आज दिउँसो ३ बजे बालुवाटारमा बोलाइएको हो । बैठकमा गठबन्धनमा रहेका सबै दललाई बोलाइएको प्रधानमन्त्रीको सचिवालयले जनाएको छ।
सरकारको भावी कार्ययोजनामा गठबन्धनको साझा धारणा बनाउन छलफल हुने बताइएको छ ।
साथै मन्त्रीहरूको काम कारबाहीको समीक्षा पनि बैठकमा हुने बताइएको छ ।
प्रकाशित मिति: ९ कार्तिक २०८१, शुक्रबार
